Navigation

Inhaltsbereich

Cun «find-help GR» chattan persunas che tschertgan agid en ils secturs da la sanadad e dals fatgs socials svelt e simpel purschidas da cussegliaziun e da sustegn sco er posts cumpetents en il chantun Grischun. L'endataziun da chavazzins e la restricziun tenor il lieu da domicil pussibiliteschan da tschertgar purschidas sistematicamain tenor l'accessibladad. La funcziun da tschertga è concepida uschia che las purschidas en la proxima vischinanza e betg ils purschiders stattan en il center dals resultats d'ina tschertga – ina vaira plivalur per las persunas che tschertgan agid.

find-help GR - chattar simpel e svelt purschidas da cussegliaziun e da sustegn 

Sco purtaders dal project chantunal èn l'Uffizi da sanadad e l'Uffizi dal servetsch social responsabels cuminaivlamain per la schelta e per l'administraziun da las unitads da datas da «find-help GR». En collavuraziun cun ils purschiders vegnan las purschidas e las indicaziuns da contact controlladas ed actualisadas mintga mez onn.

Grazia a questa collavuraziun pudain nus sustegnair cuminaivlamain persunas che tschertgan agid da chattar simpel e svelt purschidas da cussegliaziun e da sustegn.

Avantatgs da «find-help GR» per purschiders

  • las persunas pertutgadas, confamigliaras e confamigliars sco er las persunas spezialisadas chattan meglier las purschidas endatadas
  • las purschidas vegnan publitgadas sin diversas paginas d'internet, las datas correspundentas vegnan dentant mo registradas e tgiradas centralmain ina giada
  • grazia a l'invitaziun da mintga mez onn per controllar las datas è garantida in'auta qualitad da las datas
  • ina tscherna seriusa da purschidas e da purschiders è garantida tras ils purtaders dal project
  • il grad d'enconuschientscha da la glista online vegn promovì cuntinuadamain cun mesiras da communicaziun adattadas

Infurmaziuns impurtantas per purschiders

Instrucziun per controllar las datas mintga mez onn (mo per tudestg)

Criteris d'admissiun per purschiders e per purschidas (mo per tudestg)

Fegl cun ils fatgs concernent integraziun da la mascra da retschertga sin Vossa pagina-web (mo per tudestg)

Infurmaziuns utilas per persunas spezialisadas cussegliantas

Instrucziun «Funcziun da tschertga»

Instrucziun da video per persunas spezialisadas

Concepir ina survista da las purschidas per clientas e clients (mo per tudestg)

Video