Infurmaziun pertutgant las annullaziuns pervia dal coronavirus

Differentas occurrenzas culturalas han stuì vegnir annulladas fin ussa pervia dal coronavirus resp. pervia da las directivas dal chantun. Suenter la terminaziun dal project correspundent po il quint final vegnir inoltrà a la Promoziun da la cultura dal Grischun. I vegn examinà, sch'in pajament pro rata vegn prestà al project sin basa da la garanzia da deficit concedida per ils custs imputabels ch'èn resultads fin ussa (data da l'annullaziun). Il motiv da l'annullaziun da l'occurrenza sto vegnir preschentà curtamain en scrit. Ordinaziuns/scumonds, per exempel da vart dal chantun, ch'èn eventualmain avant maun en scrit ston vegnir agiuntads als documents. Per il cas ch'in pajament aconto è gia vegnì fatg valan er las explicaziuns numnadas qua survart. Contribuziuns ch'èn – en proporziun – vegnidas pajadas da memia, ston eventualmain vegnir restituidas.