Premissas per conceder e per calcular las contribuziuns:

Sch'in project è degn da vegnir promovì, dependa da la dumonda, sche las premissas per conceder contribuziuns tenor l'art. 12 al. 2 da la lescha da linguas èn ademplidas.

Entaifer la dimensiun da las tariffas da contribuziun vegnan las contribuziuns calculadas tenor:

• las pussaivladads finanzialas e las atgnas prestaziuns da las petentas e dals petents;

• l'impurtanza dal project per il chantun;

• l'effect per la promoziun da la lingua che vegn spetgà dal project;

• l'accessibladad per uschè bleras e per uschè differentas gruppas da la populaziun sco pussaivel (naginas occurrenzas privatas);

• la seriusadad da l'approfundaziun en la materia.

Plinavant stoi vegnir resguardà il suandant:

• Il project sto vegnir inoltrà avant sia realisaziun (10 emnas ordavant).
• Il project sto vegnir sustegnì er d'autras instituziuns (princip da subsidiaritad).

• lavurs scientificas che vegnan scrittas en il rom da la scolaziun (sco lavurs da licenziat u dissertaziuns);

• projects dal sectur da la promoziun dal turissem e da l'economia;

• projects che vulan far profit;
• projects che vegnan gia sustegnids dal chantun (nagina subvenziun dubla);
• projects tar ils quals autras instituziuns che promovan la lingua èn conpurtadras (nagina subvenziun dubla);
• investiziuns per optimar l'infrastructura (tecnica) e per mesiras architectonicas.