Navigaziun principala

Cuntegn da la pagina

Stipendi d'atelier a Roma

En il rom d'ina fasa da pilot metta il chantun Grischun a disposiziun ils onns 2019 e 2021 in atelier d'abitar a Roma per artistas ed artists grischuns.
L'atelier d'abitar mobiglià (3 stanzas) sa chatta en il quartier San Lorenzo en la Via dei Latini 18. Il stipendi d'atelier duai gidar a profilar las prestaziuns artisticas.

La dimora dura mintgamai 6 mais (1. da zercladur – 30 da november 2019 ed 1. da zercladur – 30 da november 2021). Il chantun Grischun metta a disposiziun gratuitamain l'atelier d'abitar e paja in supplement mensil da 2000.– francs vi dals custs da viver.

Da candidar èn envidads artistas professiunalas ed artists professiunals che:

  • han lur domicil en il chantun Grischun;
  • han ina stretga relaziun cun il chantun Grischun u cun la cultura grischuna.

Las annunzias èn pussaivlas per tut las spartas e n'èn betg liadas a la vegliadetgna.

Il stipendi d'atelier vegn publitgà per regla l'avust, l'ultim termin d'annunzia è la fin d'october.

S'annunziar danovamain pon ins il pli baud il terz onn suenter avair survegnì in stipendi d'atelier. Ina dimora vegn surdada maximalmain trais giadas a la medema persuna.

Termin d'annunzia per l'atelier a Roma 2021: venderdi, ils 30 d'october 2020 (data dal bul postal)