Zum Seiteninhalt

Reservaziun Sala Loe

La sala Loe stat a disposiziun a gruppas ed ad instituziuns per emprovas e per represchentaziuns. Locaziuns regularas n'èn betg pussaivlas.

 

Infurmaziuns generalas

  • La sala e la tualetta èn adattadas per sutgas cun rodas.
  • En l'entir edifizi vala in scumond da fimar.
  • La sala dispona da 12 maisas (150 cm x 75 cm) / 100 sutgas / ina tribuna cun illuminaziun / podests.
  • Apparats tecnics per referats n'èn betg avant maun (beamer, retroprojectur e.u.v.).
  • Ils suandants locals accessoris stattan a disposiziun: ina gardaroba, tualettas, 2 gardarobas per artistas ed artists cun duscha/tualetta.
  • Parcadis na stattan betg a disposiziun (la nova chasa da parcar Obere Quader è averta 24 uras).
  • La sala Loe è cuntanschibla cun las lingias da bus 2 u 4 davent da la fermada da la chasa da scola Quader.

 

Utilisaziun

  • Il pult da maschadar l'illuminaziun vegn duvrà da l'utilisadra u da l'utilisader sez. En cas da dumondas tar l'utilisaziun contactai per plaschair signur Kurt Pfister.
  • La tenda da la tribuna dastga mo vegnir averta e serrada cun il cric da suga.
  • Avant che sortir da las localitads ston las fanestras vegnir serradas e la glisch stizzada.
  • La sala sto vegnir relaschada sco ch'ins la vul chattar sez, netta ed en urden. Per plaschair dismetter sez ils ruments.
  • Las localitads ed ils indrizs ston vegnir tractadas cun quità (paraids, parchet, tribuna e tenda da la tribuna, mobiglias e.u.v.), cunzunt en cas d'in transport d'objects pli gronds.
  • Donns ston vegnir annunziads immediatamain a l'uffizi da cultura.
  • Donns vegnan mess a quint a l'utilisadra u a l'utilisader.
  • Objects chattads pon vegnir retratgs en il secretariat dal uffizi da cultura.

 

Pretschs

Per occurrenzas culturalas, per las qualas i na vegn pretendida nagina entrada u collecta, stat la sala Loe a disposiziun gratuitamain. Per occurrenzas betg culturalas sco er per tut las occurrenzas che cuntanschan entradas en furma d'entradas u da collectas, po la sala Loe vegnir reservada cunter ina locaziun:

per in mez di                fr.  80.--
per in entir di               fr. 150.--

La locaziun vegn messa a quint suenter l'utilisaziun.

Clav

  • La clav sto vegnir retratga il di avant u il medem di durant las uras d'avertura en il secretariat dal uffizi da cultura.

  • Suenter l'utilisaziun sto la clav vegnir surdada directamain (chascha da brevs a sanestra da l'entrada da la sala Loe).