Navigaziun principala

Cuntegn da la pagina

Langzeitpraktikum

In onn da pratica dal manaschi

Suenter avair gì trais onns d’instrucziun a temp cumplain a la scola media commerziala (SMC) han noss scolars e nossas scolaras absolvì lur scolaziun fundamentala da scola. Per che’ls possian obtegnair l’attestat federal da qualificaziun (AFQ/EFZ) commerziant(a) e la maturitad professiunala, ston els cumprovar lur experientscha professiunala d’in onn. Quella po vegnir obtegnda cun in onn da pratica da manaschi: il practicum da lunga durada.

Plazzas da praticum

Scolars e scolaras da la scola media commerziala s’annunzian per ina plazza. Las praticantas ed il praticans, che han silmain 18 onns, ston a disposiziun al manaschi per l’entir onn, tschintg dis per emna, cun excepziun dal dretg da vacanzas usità (tschintg emnas) e las absenzas durant ils curs intermanaschials (sis-otg dis).

Il reglement «praticum da lunga durada» numna tut las cundiziuns obligantas per tut ils cumpigliads. Il contract da praticum è standardisà ed è da duvrar exact uschia. Ils documents pon vegnir retratgs qua.

Manaschis, che vulan offrir in praticum commerzial, basegnan ina permissiun da scolaziun da l’Uffizi per la furmaziun professiunala. Quella po vegnir retratga qua

Bursa da plazzas

Per facilitar la tschertga da lavur, gestiuneschan la scola media commerziala ed il chantun Grischun ina bursa da plazzas che vegn manada a moda centrala. En il paragraf «offertas da plazza per il praticum da lunga durada» chattais Vus sut «offrir ina plazza» in formular, per porscher ina plazza sco era ina survista da las purschidas da plazza.

Ulteriuras infurmaziuns per il praticum da lunga durada

Sut «documents» èn disponiblas diversas infurmaziuns per il praticum da lunga durada.