Il praticum extrascolar è ina part integrala ed obligatorica da la scolaziun da la scola media spezialisada (SMS).

Il praticum ha en mira d’augmentar l’autocumpetenza e la cumpetenza sociala dals scolars e da las scolaras, da promover lur responsabladad persunala e lur confidenza. A medem temp duess il praticum pussibilitar in’invista preziusa en il mund da lavur e la vita extrascolara da quels champs che correspundan a la purschida dals roms ed a las finamiras da la scola media spezialisada.

Sco praticums extrascolars vegnan renconuschidas activitads che correspundan a la finamira dal praticum. Ils scolars e las scolaras ston demussar che lur praticum augmenta lur cumpetenzas areguard la relaziun sociala, ch’els ed ellas emprendan furmas da lavur extrascolaras e ch’els ed ellas sa confrunteschan persunalmain cun novs problems e la lavur pratica.