Zum Seiteninhalt

Neuigkeiten, novitads, notizia

Konvikt-Quadrins

31964162_1639435719467023_2475953379474407424_o.jpg
31968105_1639435769467018_8575394190672789504_o.jpg

31955576_1639435882800340_7639837665201750016_o.jpg
31956154_1639435926133669_2977298907572207616_o.jpg

24.01.2019: Medienmitteilung der Kantonspolizei Graubünden
Fahreugbrand entzündet Gebäudefassade

24.01.2019: Communicaziun da la regenza
Refusà il recurs da surveglianza concernent la sanaziun dal convict da Cuira

Ils 3 d'october 2018 han tschintg recurrents inoltrà in recurs da surveglianza cunter l'architect chantunal, cunter il tgirader da monuments directiv e cunter il manader dal manaschi d'abitar e d'alimentaziun da l'uffizi per la furmaziun media-superiura. Ad els èsi vegnì renfatschà d'avair commess acts e cumportaments cuntraris als duairs ed a la diligenza a chaschun da la renovaziun dal convict.
Per resumar constatescha la regenza che la valur culturala architectonica dal convict saja incontestada e ch'er il convict na saja incontestadamain betg vegnì recepì en in inventari da protecziun. Plinavant na po la regenza betg confermar las objecziuns dals recurrents, che las prescripziuns respectivas na sajan betg vegnidas resguardadas cun tractar il stabiliment prezius – concretamain: areguard il remplazzament da las fanestras ed areguard singulas mesiras da renovaziun a l'intern da l'edifizi. Il cuntrari. La regenza considerescha che la valur dal convict saja vegnida conservada il meglier pussaivel tras sia renovaziun, e quai cun agid d'ina procedura exemplarica che garantescha la qualitad. En quest connex poi restar avert, sche la renovaziun avess stuì vegnir prendida per mauns autramain en cas d'in object da proteger inventarisà. La regenza è da l'avis ch'il stabiliment d'ina valur culturala architectonica preziusa saja vegnì sanà cun quità. Las objecziuns dals recurrents, che sa drizzan en emprima lingia cunter ils trais scheffuncziunaris persunalmain, n'èn betg bunas da mussar cuntravenziuns, per las qualas ina intervenziun da la regenza fiss necessaria u inditgada tenor il dretg da surveglianza. Uschia n'èsi betg da dar suatientscha al recurs da surveglianza.

 

07.05.2018: Quadrins dal convict (ubain convict-on-tour)
Il convict vegn renovà per bundant dus onns. Durant quest temp stattan las abitantas ed ils
abitants dal convict en quadrins moderns ed attractivs sin l'areal da la scola chantunala
grischuna.

• 7. matg 2018, communicaziun a las medias
Video construcziun

Locals en ils quadrins
Ils quadrins cuntegnan 65 moduls da chombras da la medema grondezza. Uschia stattan a
disposiziun 30 chombras singulas e 35 chombras dublas per 100 abitantas ed abitants. La
repartiziun da las chombras vegn fatga sco fin ussa resguardond ils basegns da las abitantas e
dals abitants che stattan gia plirs onns en il convict sco er da las maturandas e dals maturands
da l'onn respectiv.

Ultra da lur chombra profitan nossas abitantas e noss abitants en ils quadrins dals suandants
locals:

quadrins
• cuschina per las abitantas ed ils abitants incl. spazi da mangiar generus
• locals d'emprender e da segiurn sin tut ils plauns
• sala da gieus incl. bigliard, maisa da ballape e.u.v.
• stanza da televisiun
• gardarobas/locals da deposit per mintga mez plaun (per chalzers, material da sport e.u.v.)
• moduls da duscha/tualettas 2x per mez plaun (en tut 12 moduls)
• lavandaria
• grond spazi al liber

SCG
• local da fitness en il stabiliment da sport Sand
• halla da gimnastica sco er plazza al liber, ina giada per emna en il stabiliment da sport
• Sand
• stanza da musica en la chasa da scola Cleric

Nus essan persvadids da pudair metter a disposiziun ina purschida optimala cun ils quadrins
descrits sco er cun las localitads e cun las resursas avant maun da la scola chantunala
grischuna.

Ils geniturs sco er las abitantas ed ils abitants pon sa drizzar cun lur giavischs e cun lur dumondas a las suandantas persunas:

Oliver Wirz
, manader dal sectur d'abitar
Tel: 081 257 58 58
Mail: oliver.wirz@ahb.gr.ch