En il spazi public n'èn las dunnas anc betg ditg visiblas. Anc adina vegn il mund declerà principalmain dad umens. Igl exista pia in basegn da cumpensaziun en connex cun la promoziun da las dunnas en la publicitad, per ch'ellas e lur expertisa vegnian percepidas. Ma co chattan ins la dretga experta, sche quella n'è strusch visibla? Per quest intent èn vegnidas fundadas diversas bancas da datas d'expertas, en las qualas figureschan dunnas da differentas branschas.
Impurtant è er il barat tranter questas expertas e tranter las dunnas en general – raits da dunnas sustegnan e rinforzan las dunnas en lur cumpetenzas. Particularmain per l'atgna carriera po ina rait esser utila. En raits da dunnas pon ins ultra da quai barattar ideas – ordaifer il mund da lavur ch'è savens dominà dad umens – cun dunnas da medema opiniun che han savens in'activitad professiunala, e raquintar davart agens success, davart atgnas disditgas sco er emprender ina da l'autra.
En questa rubrica chattais Vus ina tscherna – senza pretender d'esser cumpletta – da bancas da datas d'expertas e da raits. Propostas cumplementaras prendain nus gugent encunter sut info@stagl.gr.ch.