Ina lingua senza discriminaziun na pensa betg mo a las autras schlattainas, mabain numna ellas explicitamain. Ella mussa uschia stima envers tut ils umans, independentamain da lur schlattaina.

Strusch in auter tema da l'egualitad vegn discutà en la publicitad en moda uschè cuntraversa sco la lingua che resguarda il gender. Dovri questas recumandaziuns en connex cun texts e maletgs che resguardan la schlattaina? Nossa resposta è clera: gea. La lingua e maletgs influenzeschan noss pensar e furman nossa percepziun. Per nus exista mo, quai che nus denominain er explicitamain. Sche nus discurrin per exempel dals «Grischuns», vegn emblidà che passa la mesadad da la populaziun consista da dunnas. Da l'autra vart zuppentain nus cun il pled «mussadras» tut ils educaturs masculins.
Actualmain vegni experimentà cun novas moda da scriver da gender. Modas da scriver cun la staila da gender (*), cun il punct dubel dal gender (:) u cun il gap da gender (_) includan las schlattainas e sa drizzan al spectrum cumplet da las identitads da schlattaina.

• Cun la menziun consequenta da la furma dubla masculina e feminina vegn stgaffida ina perspectiva extendida. Pir il sguard evident sin dunnas ed umens pussibilitescha ina communicaziun credibla ed efficazia.
• Expressiuns neutralas ed abstractas areguard las schlattainas fan senn, sche las rollas e las funcziuns da las persunas u da lur acziuns stattan en il center.
  
• Novas formulaziuns permettan da guntgir il diever da designaziuns da persunas e d'evitar formulaziuns cumplitgadas.
  
• Soluziuns creativas signifitgan ch'ils dischavantatgs da singulas pussaivladads da s'exprimer vegnan per gronda part stizzads tras las differentas pussaivladads linguisticas en il medem text. La communicaziun vegn pli simpla, pli directa, pli averta.
  

Tge che nus faschain

Betg per mintga designaziun n'exista ina soluziun prefabritgada. Mintgatant è er simplamain dumandada la creativitad. En cas da malsegirezzas gidain nus gugent vinavant e nus As sustegnain er gugent tar l'elavuraziun da texts che resguardan la schlattaina.

In mussavia per la lingua rumantscha

Actualmain na datti anc nagin mussavia per la lingua rumantscha. Nus renviain però a quel da la confederaziun.