Navigaziun principala

Cuntegn da la pagina

Plazzas da praticum

Praticum giuridic

La chanzlia chantunala dal Grischun As porscha la pussaivladad d'absolver in praticum giuridic. El è renconuschì sco preparaziun dals examens per acquistar l'attest grischun da qualificaziun per advocatas ed advocats.

La premissa è che Vus possedias in licenziat da giurisprudenza u in Master of Law e che Vus hajas interess per dumondas dal dretg public ed administrativ. Plinavant spetgain nus bunas qualificaziuns, ina moda da lavurar independenta ed exacta, enconuschientschas en l'applicaziun dal computer sco er discreziun. Il praticum As permetta da prender invistas pli profundas da la lavur dal cussegl grond e da la regenza.

Durada dal praticum tenor cunvegna (per regla 6 fin 12 mais). Il lieu da lavur è Cuira. 
Proxima plazza libra: a partir dal 1. da schaner 2021.

Trametter las annunzias cun ils documents usitads al vicechancelier: Walter Frizzoni, chanzlia chantunala dal Grischun, Reichsgasse 35, 7001 Cuira, tel. +41 81 257 22 22, e-mail: Walter.Frizzoni@staka.gr.ch

Praticum tar il servetsch da translaziuns talian

Il servetsch da translaziuns da la chanzlia chantunala dat la pussaivladad d'absolver in praticum tar il servetsch da translaziuns talian. El duai permetter ad interessentas ed interessents da far experientschas praticas sin il champ da translaziuns e preparar ellas ed els per l'entrada en il mintgadi professiunal sco translatura u translatur.

La premissa è in studi universitar cumenzà en il sectur da linguas, in studi ad ina scola d'interprets u da translaturs (p.ex. ZAHW) u ina scolaziun equivalenta. Premess vegni medemamain ch'ins sappia fitg bain las linguas tudestg e talian e ch'ins haja bunas enconuschientschas en l'applicaziun dal computer.

Durada dal praticum tenor cunvegna (per regla 3 fin 6 mais). Il lieu da lavur è Cuira. 

Proxima plazza libra: a partir dal 1. da schaner 2021.

Trametter las annunzias cun ils documents usitads al manader dal servetsch da translaziuns: Beat Dermont, chanzlia chantunala dal Grischun, Reichsgasse 35, 7001 Cuira, tel. +41 81 257 22 25, e-mail: Beat.Dermont@staka.gr.ch

Praticum en multimedia production

La chanzlia chantunala dal Grischun As porscha la pussaivladad d'absolver in praticum en il sectur da multimedia production. Vossa incumbensa principala è la producziun da videos, d'animaziuns e da graficas per infurmar la publicitad davart las activitads da la regenza e da l'administraziun.

Premess vegni che Vus hajas terminà in studi da multimedia production, hajas ina scolaziun cumparegliabla (bachelor) u experientschas professiunalas en il sectur da multimedia production. Ultra da quai premettain nus bunas enconuschientschas da products dad Adobe Creative Cloud.

Durada dal praticum tenor cunvegna (per regla 6 fin 12 mais). Il lieu da lavur è Cuira. 
Proxima plazza libra: a partir dal 1. da schaner 2021.

Las annunzias pon vegnir inoltradas cun ils documents usitads, cun emprovas da lavur e cun in video d'annunzia tar il servetsch da medias: Mirco Frepp, chanzlia chantunala dal Grischun, Reichsgasse 35, 7001 Cuira, tel. +41 81 257 22 47, e-mail: Mirco.Frepp@staka.gr.ch