Cuntegn da la pagina

Program chantunal d'integraziun

L'onn 2010 èn la confederaziun ed ils chantuns sa cunvegnids da sviluppar vinavant la promoziun specifica da l'integraziun da persuns estras en Svizra e da fixar ina strategia cuminaivla. Sin basa da quai finanziescha la confederaziun en il rom da programs chantunals d'integraziun decisivamain la promoziun da l'integraziun en ils chantuns. L'emprim program chantunal d'integraziun (PCI I) ha durà dals onns 2014 fin 2017. In segund program chantunal d'integraziun (PCI II) è suandà directamain e vegn a durar dals onns 2018 fin 2021.

Documents

Kantonales Integrationsprogramm Graubündenn KIP II (2018-2021)

Kantonales Integrationsprogramm Graubünden KIP I (2014-2017)

Resumaziun PCI I (2014-2017)

Ulteriur svilup persistent da la promoziun da l'integraziun

Ils programs chantunals d'integraziun duai promover ed implementar persistentamain – tras in process cun ina vasta basa – l'ulteriur svilup da la promoziun da l'integraziun da persunas estras en il chantun. Uschia vegnan amplifitgadas cun cleras finamiras las purschidas existentas gia oz per la promoziun da l'integraziun cun mesiras orientadas al basegn, sco ch'i mussan ils exempels qua sutvart: Metter a disposiziun material d'infurmaziun en las linguas discurridas il pli savens en il chantun davart dumondas dal dumagnar il mintgadi, sustegnair las vischnancas ad intermediar emprimas infurmaziuns a persunas ch'èn gist arrivadas, cussegliar persunas cun in basegn d'integraziun particular, amplifitgar regiunalmain e tenor basegn curs da lingua en collavuraziun cun vischnancas e cun uffizis socials, crear la basa per la promoziun tempriva d'uffants dischavantagiads socialmain gia en la vegliadetgna prescolara e sustegnair projects da pilot, promover la collavuraziun cun geniturs da lingua estra en scola, meglierar l'access a la scolaziun ed a la furmaziun per persunas ch'èn arrivadas tard e per giuvenils da lingua estra, rinforzar l'integraziun da patrunas e da patruns en la promoziun da l'integraziun sco er promover projects communals per integrar la populaziun estra.

La finamira dals programs chantunals d'integraziun è quella da crear – cun soluziuns pragmaticas ed observond la vicendaivladad dals dretgs e dals duairs – perspectivas da svilup per tut las gruppas da la populaziun en il chantun.

Gruppa da lavur interdepartamentala per l'integraziun

En il program chantunal d'integraziun PCI (2014 – 2017) sco er en il PCI II (2018 – 2021) ha la rolla da las autoritads publicas survegnì gronda prioritad en ils suandants secturs: lingua e communicaziun (incl. communicaziun interculturala), infurmaziun, promoziun tempriva, scola e furmaziun, integraziun en il martgà da lavur, convivenza, temp liber, sanadad, e quai per promover persistentamain l'integraziun sco ch'ella è previsa en l'incumbensa da la regenza.

La responsabladad per sviluppar e per realisar mesiras correspundentas han ils posts chantunals e communals ch'èn responsabels per ils temas respectivs. Quai pretenda ina stretga collavuraziun da tut ils posts pertutgads ed involvids.

En il rom da quests programs occupa la gruppa da lavur interdepartamentala per l'integraziun ina rolla impurtanta, essend ch'ella vegn ad eruir durant la durada dal program respectiv il basegn da promoziun en ses secturs ed a metter a disposiziun purschidas correspundentas, a garantir l'infurmaziun vicendaivla davart las mesiras existentas e previsas sco er a procurar che quellas hajan effect e la finala ad accumpagnar l'andament dal program per che quel possia cuntanscher sias finamiras.

Cumposiziun

Actualmain sa cumpona la gruppa da lavur interdepartamentala che stat sut la direcziun da l'incumbensada chantunala d'integraziun dad:

  • Elisabeth Blumer, uffizi da sanadad
  • Hanspeter Brigger, uffizi da sanadad
  • Patrick Casanova, uffizi per economia e turissem
  • Alexi Nay, uffizi per la scola populara ed il sport
  • Tamara Gianera, post da stab per l'egualitad da las schanzas
  • Beat Hatz, uffizi dal servetsch social chantunal
  • vacant, uffizi per la furmaziun media-superiura
  • Curdin Tuor, uffizi per la furmaziun professiunala
  • Paul Schwendener, uffizi per industria, mastergn e lavur
  • vacant, uffizi da persunal