Cuntegn da la pagina

Contribuziuns chantunalas

en general

Dapi onns s'augmentan las subvenziuns dal chantun en moda surproporziunala. Tenor il preventiv 2018 importan las contribuziuns a communitads ed a terzas persunas en il quint economic bunamain 900 milliuns francs ed uschia var 46 pertschient da tut las expensas (senza contribuziuns transitoricas e scuntradas internas). Pervia da la gronda impurtanza e pervia dal svilup dinamic è la gestiun da las subvenziuns er vinavant ina sfida centrala da la politica da finanzas. Dapi l'introducziun dal controlling sistematic da las contribuziuns l'onn 2004 ston las contribuziuns chantunalas vegnir pajadas cun cleras finamiras sco er s'orientond a las prestaziuns ed als resultats.

En la missiva da preventiv orientescha la regenza – sin basa da l'art. 48 LFC – periodicamain il cussegl grond davart il controlling da las contribuziuns (missiva da preventiv 2015, paginas 63 ss.). L'ultima orientaziun era en il rom da la missiva da preventiv 2019.

punct central da svilup

En il rom dal punct central da svilup 9|25 «Finamiras socialas ed effects da seglia» dal program da la regenza 2013–2016 è vegnì examinà – cun agid da la firma econcept SA – il svilup da las contribuziuns en ils secturs agid social, reducziun individuala da las premias (RIP), prestaziuns supplementaras (PS), contribuziuns da maternitad, pajament anticipà d'aliments, supplements per uffants e supplements da famiglia sco er tgira d'uffants cumplementara a la famiglia. Ils 7 d'avust 2018 ha la regenza prendì enconuschientscha dal studi da la econcept SA e dà liber tal per la publicaziun:


Ulteriuras infurmaziuns

Martin Nigg, tel. 081 / 257 32 17, mail: martin.nigg@dfg.gr.ch