Cuntegn da la pagina

Societads d'ovras electricas

L'utilisaziun da la forza idraulica ha ina gronda impurtanza per l'economia publica en il Grischun. Las prestaziuns finanzialas da las societads d'ovras electricas a favur dal chantun e da las vischnancas importan actualmain passa 100 milliuns francs per onn. Passa 700 persunas èn occupadas en las societads d'ovras electricas.


Il chantun è participà en differentas dimensiuns a bleras societads d'ovras electricas. Ina survista da las participaziuns è cuntegnida en il rapport da la regenza al cussegl grond davart las consequenzas da la liberalisaziun dal martgà d'electricitad per il chantun Grischun (missivas, 1999-2000, p. 843 ss.). Questas participaziuns fan part – tut tenor lur dimensiun – da la facultad finanziala u administrativa dal chantun e vegnan administradas e tgiradas dal departament da finanzas e vischnancas. Tar las incumbensas dal secretariat dal departament tutgan en quest connex

  • la participaziun a gruppas da lavur en cas da returns d'implants electrics,
  • la represchentanza da las aczias a chaschun da las radunanzas generalas,
  • la cooperaziun en la direcziun da la Grischelectra SA, ina societad partenaria per la gestiun d'energia electrica,
  • l'examinaziun da dumondas areguard il dretg da finanzas en cas d'emprimas participaziuns u da l'augment da participaziuns,
  • ed ulteriuras incumbensas che pon resultar da las participaziuns multifaras.

Ulteriuras infurmaziuns
Patrik Galliard, secretari dal departament, tel. 081 / 257 32 11, e-mail: patrik.galliard@dfg.gr.ch