En collavuraziun cun il Secretariat da stadi per l'economia (SECO) fixescha l'Uffizi federal da sanadad publica (UFSP) las prescripziuns dal dretg da sanadad e dal dretg lavur per ils concepts da protecziun. Silsuenter ston quellas vegnir realisadas da las branschas e da las singulas fatschentas, avant ch'ellas pon effectivamain avrir lur manaschi. Il Post da communicaziun CoronaComm na respunda naginas dumondas individualas pertutgant quests concepts da protecziun u pertutgant las mesiras prendidas da la Confederaziun, perquai ch'il chantun n'è betg participà a lur elavuraziun e perquai che las explicaziuns necessarias da la Confederaziun n'èn anc betg avant maun. Il CoronaComm vegn a publitgar las infurmaziuns utilas da la Confederaziun uschè svelt sco pussaivel sin questa pagina.