Infurmaziuns tar il concept da protecziun:

Las branschas, ils manaschis, las scolas ed ils organisaturs responsabels elavuran concepts da protecziun. Tals sa basan sin las reglas d’igiena e da cumportament sco era sin ils princips da la protecziun da la sanadad e dals lavurants che l’Uffizi federal da sanadad publica (UFSP) ed il Secretariat da stadi per l’economia (SECO) han prescrit. Tuttas occurrenzas, ils manaschis e las scolas ston planisar e resguardar las distanzas tranter las persunas e las mesiras d’igiena. La finamira dals concepts da protecziun è da proteger clientas e clients u participantas e participants d’ina infecziun cun il coronavirus.

Responsabels per la realisaziun dals concepts da protecziun èn en emprima lingia ils manaschis, las instituziuns, las scolas u ils organisaturs sezs, betg il stadi. Ni la Confederaziun ni ils chantuns na controlleschan u approvan els. Las vischnancas e l’inspecturat da lavur han en il chantun la surveglianza davart la realisaziun dals concepts da protecziun.

Las prescripziuns per ils concepts da protecziun sa midan per part en connex cun las schluccadas. As infurmai regularmain, sch’il concept da protecziun en Vossa domena correspunda a las prescripziuns actualas:

Vorgaben für Schutzkonzepte, Bundesamt für Gesundheit BAG

Occurrenzas

Dumondas per realisar ina occurrenza ston vegnir inoltradas tar las vischnancas, nua che l’occurrenza ha lieu. La vischnanca decida davart la realisaziun da l’occurrenza e controllescha ch’il concept da protecziun vegnia resguardà al lieu.

Agid per pudair decider: occurrenzas

Updates