Andament cun preannunzia (durada totala circa 15 minutas)
- Cur che Vus arrivais sin l'areal, giais Vus tar l'entrada / zona da spetga;
- Ina collavuratura u in collavuratur controllescha Vossa annunzia (purtar cun Vus il code da conferma);
- Vus survegnis il flyer d'infurmaziun "Suenter il test";
- Vus vegnis attribuida resp. attribuì ad ina lingia da test;
- Per l'identificaziun stuais Vus preschentar in document d'identitad (carta d'identitad/passaport);
- Dal code sin Vossa annunzia vegn fatg in scan. Uschia èsi garantì che la prova dal test vegn attribuida a la dretga persuna;
- I vegn fatg in sfrusch dal nas e da la gula;
- Vossa procedura è terminada. Vus pudais bandunar l'areal.
Andament senza preannunzia (durada totala circa 20 minutas plus eventual temp da spetga)
- Suenter l’arrivada sin l’areal spetgais Vus en la zona da spetga enfin che Vus pudais entrar;
- Vus inditgais tar la staziun da registraziun Voss num e prenum, Vossa data da naschientscha e Voss numer da telefon mobil (sche avant maun) e retschavais in palpiri cun Voss numer da registraziun;
- Vus survegnis il flyer d'infurmaziun "Suenter il test";
- Vus vegnis attribuida resp. attribuì ad ina lingia da test;
- Per l'identificaziun stuais Vus preschentar in document d'identitad (carta d'identitad/passaport);
- Voss numer da registraziun vegn arcunà en il sistem. Uschia vegn garantì che l’emprova da test vegn attribuida a la dretga persuna;
- I vegn fatg in sfrusch dal nas e da la gula;
- Vossa procedura è terminada. Vus pudais bandunar l'areal. Suenter ca. 30 minutas survegnis Vus in SMS cun il resultat da test.
- Las persunas senza in numer mobil spetgan en ina zona da spetga definida sin il resultat. Quel vegn communitgà a bucca.
Las instrucziuns dal persunal ston vegnir observadas.
Sin l'entir areal vala l'obligaziun da purtar ina mascrina.
Staziuns da test
Per plaschair giai en autoisolaziun ed As annunziai tar l’ospital regiunal per in test PCR. Infurmai ultra da quai las persunas, cun las qualas Vus avais gì stretg contact.
PCR positiv
Sch’il resultat dal text spert vegn confermà entras il test PCR, stuais Vus ir en isolaziun e Vus vegnis contactads dal COVID Care Team Grischun.
PCR negativ
Vus na stuais betg star vinavant en autoisolaziun e n’avais nagut auter da reglar .
Tge capita cun mias datas
Nus registrain il num, il prenum, la data da naschientscha, l'adressa da domicil, il numer da telefon, l'adressa dad e-mail.
Voss sfrusch e Vossas datas persunalas sco er il resultat (positiv resp. negativ) da Voss test vegnan duvrads per l'evaluaziun epidemiologica. Resultats positivs da tests vegnan ultra da quai endatads en il sistem d'annunzia da la Confederaziun.
Las datas elavuradas vegnan segiradas e memorisadas. Cur che l'intent da l'elavuraziun è ademplì, vegnan las datas stizzadas il pli tard suenter 2 emnas.
Decleraziun
davart la protecziun da datas