Zum Seiteninhalt

Uffants e giuvenils

En blers secturs na pon uffants e giuvenils anc betg decider ed agir independentamain. Els dovran perquai insatgi che defenda lur interess e lur dretgs. En emprima lingia èsi l'incumbensa dals geniturs da represchentar lur uffant e da procurar per in'educaziun, per ina tgira e per ina scolaziun commensurada.

 

Sch'i resultan – pervia da circumstanzas externas u per motivs persunals – difficultads en connex cun l'assistenza e cun l'educaziun, pon ils geniturs – dentant er ils uffants e giuvenils – sa drizzar a terzas persunas ubain ad instituziuns ch'als cusseglian e sustegnan. Sche las stentas da la famiglia, d'autras persunas da referiment, da la scola u d'auters posts na tanschan betg u sche talas paran dal cumenzament ennà nunsuffizientas per evitar ina periclitaziun da l'uffant, sto daventar activa la APUC. Sch'ils geniturs na pon betg represchentar lur uffant, sto l'autoritad nominar ina represchentanza legala.