Zum Seiteninhalt

Persunas creschidas

Tgi ch'è maioren ed abel da giuditgar, è abel d'agir e po pia acquistar dretgs e fundar obligaziuns tras l'agen agir. Abel da giuditgar en il senn da la lescha è mintga persuna che n'è betg privada da l'abilitad d'agir raschunaivlamain, perquai ch'ella è anc fitg giuvna u perquai ch'ella ha in impediment spiertal, in disturbi psichic u sa chatta en in stadi d'aivradad u en stadis sumegliants. La persuna vesa pia l'impurtanza da ses agir e po liquidar sias fatschentas correspundentamain.  

Sche la persuna n'è betg en il cas d'administrar sezza sias fatschentas persunalas, dal dretg patrimonial u administrativas, po ella sa drizzar a differentas instituziuns che porschan agid (p.ex. Pro senectute, Pro infirmis, spitex, servetschs socials, servetschs spezials, ulteriurs uffizis e.u.v.). Ella po er conceder il plainpudair ad ina persuna da confidenza.

Sch'il sustegn en il rom facultativ è insuffizient u nunpussaivel, po la APUC vegnir infurmada a maun d'ina annunzia davart la situaziun da periclitaziun.