Cuntegn da la pagina

Dretgs da represchentanza

Represchentanza legala

Sch'i n'exista ni in mandat preventiv ni ina disposiziun dal pazient, ha la conjugala u il conjugal sco er la partenaria registrada u il partenari registrà in dretg da represchentanza. Quai sut la premissa ch'ella u el maina ina chasada cuminaivla cun la persuna inabla da giuditgar u ch'ella assista regularmain questa persuna. Il dretg da represchentanza cumpiglia ils acts ch'èn necessaris per cuvrir il mantegniment e l'administraziun da las entradas e da la facultad ch'è necessaria per il mintgadi. Il dretg da represchentanza cuntegna er d'avrir e da liquidar, en cas da basegn, la posta. Per acts da represchentanza extraordinaris (per exempel vendita d'ina immobiglia) sto dentant vegnir consultada la APUC. Sch'ils interess da la persuna inabla da giuditgar èn periclitads u betg pli garantids, constituescha la APUC – sche necessari – ina curatella.

Represchentanza en cas da mesiras medicalas

Sch'insatgi n'ha betg determinà ina represchentanza e sch'i n'exista er betg ina curatella cun in dretg da represchentanza en cas da mesiras medicalas, survegnan persunas da confidenza definidas en il cudesch civil in dretg da represchentanza per la persuna inabla da giuditgar, sch'i vegnan prendidas mesiras medicalas staziunaras ed ambulantas. Sch'i n'èn avant maun naginas persunas cun dretg da represchentanza, nominescha la APUC ina procuratura u in procuratur