Zum Seiteninhalt

Direcziun

La manadra ed ils manaders da las tschintg APUC furman la direcziun generala da la APUC en il chantun Grischun. La direcziun ha tranter auter l'incumbensa da coordinar la collavuraziun, da sviluppar ina pratica unitara, da reglar la substituziun tranter las differentas autoritads, da promover il barat d'experientschas e d'infurmaziuns sco er da garantir ina scolaziun e furmaziun supplementara adequata da las commembras e dals commembers da las autoritads, da las procuraturas professiunalas e dals procuraturs professiunals sco er da las procuraturas privatas e dals procuraturs privats.

La direcziun sa constituescha sezza ed ha elegì il manader da la APUC Surselva (Giusep Defuns) sco parsura e la manadra da la APUC Grischun central/Moesa (Gabriella Bieber) sco viceparsura.

La direcziun da la APUC Grischun è l'autoritad centrala per las convenziuns internaziunalas en ils secturs da la protecziun d'uffants e da creschids sco er l'autoritad d'execuziun per repatriaziuns d'uffants