Zum Seiteninhalt

Organisaziun chantunala

Pli baud era la direcziun da las autoritads tutelaras organisada sin plaun cirquital. En il passà èn differents circuls s'unids per manar cuminaivlamain l'autoritad tutelara. Per il 1. da schaner 2013 èn las 17 autoritads tutelaras vegnidas remplazzadas tras las tschintg autoritads per la protecziun d'uffants e da creschids (APUC), ch'èn organisadas sin plaun chantunal.

 

Il chantun Grischun è sa decidì per il model «APUC sco autoritad administrativa» ed ha integrà las APUC entaifer l'administraziun chantunala en il departament da giustia, segirezza e sanadad (DGSS). Organisatoricamain èn las APUC suttamessas directamain al schef dal departament. Areguard l'adempliment da lur incumbensas na ston las APUC dentant observar naginas instrucziuns. La controlla giuridica vegn fatga da la dretgira chantunala sco instanza da recurs.