Zum Seiteninhalt

Permiss da manischar internaziunal

 

Tgi che giavischa in permiss da manischar internaziunal, sto posseder in permiss da manischar svizzer valaivel.

Il permiss da manischar internaziunal serva mo sco translaziun dal permiss naziunal ed è valaivel mo ensemen cun quel. Permiss da manischar internaziunals che vegnan emess sin basa da permiss da manischar svizzers n'èn perquai betg valaivels en Svizra.

Avant che cumenzar Voss viadi a l'exteriur As recumandain nus d'As infurmar (tar in biro da viadi, tar in consulat, tar ils posts d'admissiun a l'exteriur e.u.v.), sch'i dovra in permiss da manischar internaziunal en il stadi respectiv.

 

Empustaziun d'in permiss da manischar internaziunal

Per emetter in permiss da manischar internaziunal duvrain nus ina copia da Voss permiss da manischar chantunal ed ina fotografia da passaport actuala. Ils documents pon vegnir inoltrads per posta cun ina notizia correspundenta. Voss domicil legal sto esser en il chantun Grischun.