Termins per l'examen pratic da manischar pudais Vus reservar u spustar online. Sche quai na duess betg esser pussaivel, ans pudais Vus gugent contactar via las datas da contact qua sutvart:

Link: Lieus d'examen

Informaziuns impurtantas

Suenter che la carta d'annunzia è entrada, vai normalmain 5 emnas fin al termin d'examen. En cas excepziunals ed en cas che la dumonda è gronda stuais Vus quintar da spetgar in pau pli ditg. L'examen pratic da manischar po vegnir fatg mo cun ina carta da clamada e cun in permiss valaivel per emprender a manischar.

Nagin permiss per emprender a manischar na dovran:

• persunas che han in permiss da manischar da la categoria C u da la sutcategoria C1 e che dumondan in permiss da manischar da la sutcategoria D1;

• persunas che han in permiss da manischar da la categoria C e che dumondan in permiss da manischar da la categoria D;

• persunas che dumondan in permiss da manischar da las sutcategorias G ed M.

Sin la carta d'annunzia pudais Vus inditgar, nua che Vus giavischais da far l'examen. Fin 7 dis (5 dis da lavur) avant il termin pudais Vus As retrair gratuitamain l'examen. Sche Vus As retirais tard l'examen, As stuain nus displaschaivlamain metter a quint l'entir import d'examen.

Qui anflais infurmaziuns davart cursas per emprender d'ir cun auto ed examens d'auto.

Ordinaziun davart l'admissiun da manischunzas e da manischunzs (OAMan)

Infurmaziuns detagliadas per manischunzas e per manischunzs professiunals chattais Vus qua.

Temp da prova (How to keep your driving licence)

Examen extrachantunal

Vulais Vus absolver l'examen da teoria e/u l'examen pratic da manischar en in auter chantun? Lura duvrais Vus ina permissiun da nus. Nus As recumandain da sclerir ordavant tar l'Uffizi per il traffic sin via da l'auter chantun, sch'igl è pussaivel da far in examen extrachantunal.

Premissa per la permissiun:

• Jau hai mes domicil en il chantun Grischun
• Jau possed in permiss valaivel per emprender a manischar ubain ina conferma d'admissiun per l'examen da teoria 

Formular online: Dumandar ina permissiun per far l'examen extrachantunal

Dumondas e respostas

Cun tge vehichel stoss jau ma preschentar a l'examen da manischar?

Ils suandonts vehichels ein necessaris per las actualas categorias.

Quant ditg stoss jau spetgar a partir da l'annunzia fin al termin da l'examen pratic?

Suenter che la carta d'annunzia è entrada, vai normalmain 5 emnas fin al termin d'examen. En cas excepziunals ed en cas che la dumonda è gronda stuais Vus quintar da spetgar in pau pli ditg. L'examen pratic da manischar po vegnir fatg mo cun ina carta da clamada e cun in permiss valaivel per emprender a manischar.

Tge stoss jau far, sche jau stoss disdir a curta vista il termin da l'examen?

Fin 7 dis (5 dis da lavur) avant il termin pudais Vus As retrair gratuitamain l'examen. Sche Vus As retirais tard l'examen, As stuain nus displaschaivlamain metter a quint l'entir import d'examen.