Fegl d'infurmaziun concernent il diever da surfatschas cun culturas alternantas
Cun relaschar il Plan sectorial Surfatschas cun culturas alternantas (SCA) l'onn 1992 n'han ins betg pudì franar en la dimensiun giavischada la perdita progressiva da terren cultivà ed il consum dad SCA. Questa enconuschientscha e la pressiun urbana constanta d'obtegnair dapli abitadis han intimà il Cussegl federal da repassar il Plan sectorial SCA e d'al rinforzar areguard la protecziun da SCA. La revisiun dal plan sectorial è entrada en vigur il matg 2020. Il chantun Grischun sto – sco ch'igl è vegnì fixà gia en il Plan sectorial SCA oriund dal 1992 – mantegnair vinavant e garantir constantamain ina dimensiun minimala da 6300 ha. Ils princips vertents da garantir a lunga vista las SCA vegnan cumplettads da nov cun la cumpensaziun dad SCA. Il fegl d'infurmaziun descriva las premissas sco er il proceder e las metodas per cumpensar SCA.
8 paginas, lingua: tudestg
Agid da lavur ISOS
Las citads, ils vitgs ed ils aclauns da la Svizra èn sa sviluppads en il passà sut influenzas e sut tradiziuns multifaras. L'inventari federal dals lieus svizzers d'impurtanza naziunala degns da protecziun (ISOS) registrescha dapi ils onns settanta mintga tradiziun locala da construcziun d'abitadis – er en il Grischun. Dapi ch'il tribunal federal ha dentant surdà al ISOS il status da basa da resguardar, cunzunt en connex cun las planisaziuns localas, ha quest inventari la reputaziun – nungiustifitgada – da franar il svilup da l'abitadi. Per mussar las libertads d'agir han ils chantuns SZ, SO, SG e GR sco er la VLP-ASPAN laschà elavurar in agid da lavur per planisadras e planisaders. Quest agid è in sustegn per utilisar il ISOS en moda correcta ed adequata ord vista materiala e giuridica. L'agid da lavur cuntegna ina instrucziun simplifitgada per duvrar l'inventari, ma cunzunt er numerus exempels, a maun dals quals noziuns, interpretaziuns e ponderaziuns sco er resultats vegnan preschentads concretamain.
27 paginas, lingua: tudestg
Arbeitshilfe zum KRG
Agid da lavur tar la lescha davart la planisaziun dal territori per il chantun Grischun (LPTGR) e tar l'ordinaziun davart la planisaziun dal territori (OPTGR). Redigì da Carlo Decurtins, giurist per la planisaziun dal territori en il departament d'economia publica e fatgs socials dal Grischun. 1. da december 2010.
128 paginas, lingua: tudestg
Velo da muntogna e planisaziun dal territori
Il mussavia sa drizza a tut las persunas ch'èn involvidas en la planisaziun ed en la construcziun da rutas e da stabiliments per velos da muntogna: projectadras e projectaders, uffizis, organisaziuns e.u.v. Ellas ed els vegnan infurmads davart ils differents instruments da la planisaziun dal territori e cura che tge proceduras èn necessarias.
20 paginas, lingua: rumantsch