Tschertgais Vus in nov lieu per Vossa interpresa u planisais Vus in'expansiun da Voss manaschi resident? Nus As cussegliain e S’accumpagnain tenor Voss basegns e gratuitamain en quest connex da l'emprima idea fin al metter en funcziun las maschinas. Nus S’infurmain davart las cundiziuns generalas en il Grischun, As preschentain terren industrial cunvegnent, S’intermediain partenaris per la finanziaziun ed As colliain cun experts da la branscha, cun interprendiders e cun instituziuns.
Evaluaziundal lieu, da l'infrastructura e da l'investiziun
Nus enconuschain las surfatschas da las zonas d'industria e da mastergn, sin las qualas Vossa interpresa po daventar realitad a partir da damaun. Nus intermediain il contact ad instituts che finanzieschan novs projects, ad experts versads che san, tge ch’innovaziun made en il Grischun vul dir ed a cussegliaders ch'enconuschan ils fatgs giuridics e fiscals locals.
- Registrar ils basegns da l'interpresa
- Preschentar las furmas da societad
- Preschentaziun ed inspecziuns da zonas d'industria e da surfatschas da mastergn
- Infurmaziun davart la scolaziun e la recrutaziun da forzas da lavur
- Intermediar partenaris per la finanziaziun, l'assicuranza sco er per la cussegliaziun giuridica e fiscala
- Colliaziun cun interpresas ch'èn gia domiciliadas en il Grischun
- Colliaziun cun instituziuns en il sectur da la furmaziun, da la perscrutaziun e da l'innovaziun
- Mussar si ils instruments da promoziun da l'innovaziun
Realisar la domiciliaziun e l'expansiun
Nus tgirain novas domiciliaziuns e projects d'expansiun cun tut ils partenaris da project durant l'entir process. Nus discurrin er da taglias, elavurain soluziuns e gidain tar il suandant:
- dumondas da promoziun
- acquist da terren e d'immobiglias
- permissiuns da lavur e da dimora
- dumondas dal dretg da lavur
Nus essan qua per Vus
Nus accumpagnain Voss project da domiciliaziun u d'expansiun da l'emprim patratg fin al metter en funcziun las maschinas. Noss servetsch è gratuit per Vus. Al lieu, persunalmain u online.