Zum Seiteninhalt

Inventarisaziun e perscrutaziun architectonica

-
 

Tras l'inventarisaziun da vart da la tgira da monuments vegn messa a disposiziun la basa per tractar la substanza architectonica che dat perditga da noss spazi cultural. Nossas collavuraturas e noss collavuraturs erueschan ils edifizis singuls e las gruppas d'edifizis relevants or da l'inventari total, per uschia represchentar en moda uschè cumpletta sco pussaivel l'istorgia da la cultura architectonica grischuna.

Observaziuns da la substanza architectonica mantegnida pon – ensemen cun il studi da funtaunas scrittas ed illustradas sco er cun retschertgas tras las scienzas natiralas – revelar enconuschientschas impurtantas davart la moda da viver da noss antenats. Per la tgira da monuments stat l'edifizi sco funtauna istorica autentica, en il vair senn dal pled palpabla, en il center da sia activitad da perscrutaziun.

Ils criteris da la tgira da monuments per inventarisar edifizis singuls e gruppas d'edifizis èn lur:

  • l'impurtanza caracteristica per il lieu
  • l'impurtanza istorica
  • l'impurtanza architectonica
  • la substanza architectonica istorica impurtanta
  • ils conturns caracteristics

 

(Fotografia: Lostallo, centrala da l'ovra electrica. TMG 2013)