Il chantun sustegna projects culturals da singulas classas da scola subsidiarmain a la contribuziun da la scola u da la vischnanca/corporaziun regiunala cun max. 30 % dals custs imputabels e cun ina contribuziun maximala da 1 500 francs. Ina collavuraziun cun persunas che lavuran sin il champ cultural u cun instituziuns culturalas è giavischada.

Sustegnidas vegnan er occurrenzas culturalas betg publicas en la scolina resp. en la chasa da scola.
 
Ils suandants documents ston vegnir inoltrads:
-  indicaziuns davart la(s) petenta(s) u il(s) petent(s)
-  descripziun dal project (max. 5 paginas A4)
-  plan dals termins
-  preventiv
-  plan da finanziaziun

Las dumondas ston vegnir drizzadas 2 mais avant il cumenzament dal project a la suandanta adressa:
Promoziun da la cultura dal Grischun, Gürtelstrasse 89, 7000 Cuira. Il temp d'elavuraziun dura 2 fin 3 emnas.

Per classa ed onn da scola dastga vegnir inoltrada mintgamai ina dumonda per visitas culturalas/spesas da viadi e per projects culturals.