Navigation

Inhaltsbereich

La Regenza grischuna, represchentada dal Departament chantunal da giustia, segirezza e sanadad (DGSS), ha incumbensà il mars 2018 il Departament d'istorgia da l'Universitad da Basilea da rediger ina istorgia cumplessiva davart l'istorgia da la psichiatria dal chantun Grischun. Il studi dueva cumpigliar la perioda da mez dal 19. tschientaner fin il temp preschent. Betg sco ultim vuleva la Regenza dilucidar cun quest studi la rolla da la psichiatria sin il champ da las mesiras repressivas per motivs da provediment. Dal cumenzament nà è il project vegnì accumpagnà d'ina cumissiun, en la quala ha cooperà er l'Archiv dal stadi.
L'autura ed ils auturs, prof. dr. Martin Lengwiler, dr. Loretta Seglias und Silas Gusset, han preschentà lur studi la fin da l'onn 2020. El è cumparì silsuenter il zercladur 2021 sco tom 38 da la retscha da l'Archiv dal stadi "Funtaunas e perscrutaziuns davart l'istorgia dal Grischun" (FIG) sut il titel "Versorgen, behandeln, pflegen. Geschichte der Psychiatrie in Graubünden" tar la chasa editura Schwabe. Il studi po vegnir cumprà en las librarias e stat a disposiziun qua sco PDF per al chargiar giu.

Communicaziun a las medias, chantun Grischun, 21-06-2021

Prospect dal cudesch

chargiar giu