En l'entir chantun ha l'Uffizi per la natira e l'ambient en funcziun staziuns per mesirar idrodatas (auas da surfatscha ed aua sutterrana). Las datas da livel e tut tenor staziun da mesiraziun er las datas davart la temperatura e davart la conductivitad electrica vegnan publitgadas qua e pon vegnir chargiadas giu.

Supplementarmain datti per la gronda part da las auas da surfatscha infurmaziuns davart la deflussiun. Quellas vegnan interpoladas en dependenza dal livel. Las valurs da deflussiun èn pia valurs approximativas che dependan dal profil dal letg dal flum, il qual sa mida cuntinuadamain en moda natirala. Quai vul dir, ch'ins sto far quint cun ina tscherta inexactadad tar las valurs da deflussiun, e quai independentamain da l'accuratezza da mesirar dals instruments da mesiraziun installads.