Navigaziun principala

Cuntegn da la pagina

Finanzas

Tar ils servetschs tutgan tut ils fatgs finanzials. 

Sin fundament da la basa legala sco er sin fundament dals rendaquints correspundents vegnan pajadas contribuziuns a las instituziuns ch'èn responsablas per las scolas ed ad instituziuns en ils secturs da la scola populara, da la scolina e da la scolaziun speziala. Tranter auter vegnan pajadas contribuziuns a la scola regulara (scola populara e scolina), a scolas pitschnas, a transports da las scolaras e dals scolars, a purschidas spezialas da linguas, a l'instrucziun d'uffants da lingua estra, a classas da talent, a scolas e classas bilinguas sco er a mesiras da la pedagogia speziala en il sectur facil e pretensius. 

Ultra da quai vegnan controllads rendaquints ed indemnisads custs en spezial per curs da scolaziun e da perfecziunament da giuventetgna+sport, per occurrenzas chantunalas da giuventetgna+sport, per differents projects sco l'introducziun da la segunda lingua estra sin il stgalim primar, per la furmaziun supplementara da las persunas d'instrucziun sco er per meds d'instrucziun.