Tenor tge sistem electoral vegn la Regenza elegida?

La Regenza dal chantun Grischun consista da tschintg persunas e vegn elegida tenor la procedura electorala da maiorz (art. 38 al. 1 ed art. 39 CC). Il chantun furma il circul electoral.

Tge signifitga la maioritad absoluta?

Elegids èn en l'emprim scrutini las candidatas ed ils candidats che cuntanschan la maioritad absoluta. Per calcular la maioritad absoluta vegn il dumber total da tut las vuschs valaivlas, ch'èn vegnidas dadas a candidatas ed a candidats, dividì tras il dubel dumber da sezs libers. La proxima cifra entira pli auta è la maioritad absoluta (art. 39 al. 1 LDPC).

Tge capita, sche dapli che tschintg candidatas e candidats cuntanschan la maioritad absoluta?

Sche pli che tschintg candidatas e candidats cuntanschan la maioritad absoluta, valan las persunas cun las pli bleras vuschs sco elegidas (art. 39 al. 2 LDPC).

Tge capita, sche damain che tschintg candidatas e candidats cuntanschan la maioritad absoluta?

Sche main che tschintg candidatas e candidats cuntanschan la maioritad absoluta, datti in segund scrutini liber (art. 40 LDPC). En quest segund scrutini èn elegidas quellas persunas, che survegnan las pli bleras vuschs (maioritad relativa).

Tge capita en cas da paritad da las vuschs?

En cas da paritad da las vuschs vegn tratga la sort (art. 41 LDPC).