Per fixar la direcziun strategica da la promoziun chantunala d'integraziun ha la regenza installà il mars 2010 ina cumissiun d'integraziun. Vegnidas elegidas èn represchentantas e represchentants da las vischnancas e da las regiuns, da l'economia, da las lavurantas e dals lavurants, da las baselgias chantunalas, da las federaziuns, da las uniuns sco er da las instituziuns ch'èn activas en il sectur da l'integraziun.

Sco gremi spezialisà cun grond sustegn represchenta la cumissiun d'integraziun ils champs d'integraziun ils pli impurtants dal chantun. Ella ha ina funcziun consultativa areguard temas ch'èn relevants per l'integraziun e cooperescha tar la fixaziun dals accents da la promoziun chantunala da l'integraziun.