Zum Seiteninhalt

Politica d'integraziun chantunala

Integraziun pertutga nus tuts

Svilups sco l'integraziun europeica, l'augment da la mobilitad da las forzas da lavur, la midada demografica sco er l'internaziunalisaziun dals martgads e da las interpresas chaschunan er en il chantun Grischun ina cumplexitad ed ina varietad en la societad ed en il mund da lavur.

Il chantun Grischun sustegna ina politica d'integraziun persistenta. El dirigia e coordinescha ils secturs da promoziun e la direcziun strategica da la promoziun chantunala da l'integraziun. Ultra da quai paja el contribuziuns finanzialas per projects e per mesiras che s'orienteschan als basegns e che servan a promover l'integraziun da persunas estras che han prendì ina dimora durabla e legala en il Grischun.

La finamira da la politica chantunala d'integraziun èsi da promover la coesiun sociala e la convivenza paschaivla tranter la populaziun indigena e la populaziun estra sco er da dar las medemas schanzas d'access e da garantir la participaziun equivalenta da las persunas estras a la vita economica, sociala e culturala.

Basa legala

Plaun federal

Plaun chantunal