Sa basond sin la lescha federala davart implants da fermada (CS 721.101) e sin l'ordinaziun federala davart implants da fermada (CS 721.101.1), ston la Confederaziun, il Chantun e las vischnancas preparar las instrucziuns da cumportament a la popu-laziun e per l'eventuala evacuaziun en cas d'ina ruttadira da mirs da fermada.

I n'è betg d'excluder ch'ils mirs da fermada vegnan donnegiads tras eveniments extraordinaris sco sbuvadas, auazuns, terratrembels, sabotascha u schizunt conflicts armads e che territoris pli gronds vegnan perquai inundads. Il privel d'ina ruptura d'in mir da fermada vegn en general dentant valità da spezialists sco fitg pitschen.

• La definiziun da l'alarm d'aua;
• Il territori communal che pudess eventualmain vegnir inundà en cas d'ina ruttadira dal mir da fermada (colurà blau en la charta sco territori periclità);
• La quota maximala d'aua che vegn cuntanschida be sch'il mir da fermada vegn destruì andetgamain en tut sia gron-dezza. Quai è dentant praticamain d'excluder. Sch'il mir da fermada rumpa parzialmain vegn l'inundaziun ad esser mar-cantamain pli pitschna;
• La direcziun da fugia (paliets cotschens), en la quala las abi-tantas ed ils abitants ston bandunar immediatamain il territori da privel, sche las sirenas d'alarm d'aua resunan;
• Zonas da spetga segiras, en las qualas las abitantas ed ils abitants ston sa render sche las sirenas d'alarm d'aua resu-nan. Las zonas da spetga èn al medem mument era ils puncts da reuniun per las organisaziuns d'agid. Uschia po vegnir garantida ina recepziun da persunas pertutgadas che dovran assistenza.