A partir dals 15 da mars 2010 vegn il center principal da traffic sin la punt da l'Obertor a Cuira transfurmà en ina rundella. A medem temp vegn reparada la punt che sto vegnir sanada. Ils custs da circa tschintg milliuns francs sa partan il chantun e la citad. 
 
La punt ad artg or da crap che traversa la Plessur datescha en ses origin da l'onn 1821, è en in nausch stadi architectonic e sto vegnir renovada urgentamain. La trav da betun armà ch'è vegnida agiuntada l'onn 1931 n'è betg pli suffizienta per las chargias dal traffic dad oz. Dapi ch'i manca ina isolaziun cunter l'aua da sal che resulta dapi ils onns sessanta da la rumida da la naiv cun sal da sdregliar e che ha in grond effect da corrosiun, èn ils tocs da metal a l'intern da la punt donnegiads correspundentamain. 
 
La citad ed il chantun vulan profitar da la proxima sanaziun da la punt per meglierar fundamentalmain la situaziun da traffic al Obertor da Cuira. La punt vegn schlargiada sin 33 meters e cuntegna ina rundella elliptica confortabla cun in diameter da 25 respectivamain da 33 meters.

  
La construcziun da la rundella en maletgs
 
» tar la galaria da maletgs
 
 
Tagl traversal da la punt da l'Obertor