Navigaziun principala

Cuntegn da la pagina

Gieus per daners

Legislaziun davart gieus per daners

Dapi il 1. da schaner 2020 èn cumplainamain en vigur la Lescha federala davart gieus per daners ed er l'Ordinaziun federala (DE) respectiva en il chantun Grischun. Il chantun Grischun ha relaschà ina Lescha chantunala davart gieus per daners ed ina Ordinaziun chantunala davart gieus per daners.

 

Cumpetenza

L'Uffizi da migraziun e da dretg civil – sco autoritad chantunala da permissiun e da surveglianza – conceda las suandantas permissiuns:

  • lottarias pitschnas
  • turniers da poker pitschens
  • scumessas da sport localas

La GESPA (DE) – sco autoritad interchantunala da permissiun e da surveglianza – conceda las suandantas permissiuns:

  • gieus da gronda extensiun (lottarias, scumessas da sport e gieus d'inschign automatisads e realisads online u sin plaun interchantunal) Da quels fan part er automats da gieus d'inschign.

La CFBG

  • casinos

 

Mancanza d'ina obligaziun da permissiun

Per lottarias da divertiment e per tombolas na dovri nagina permissiun. Per quests gieus è però previsa in'obligaziun d'annunzia precedenta. Las annunzias ston vegnir inoltradas obligatoricamain 10 dis avant la realisaziun previsa. In tal gieu na dovra nagina permissiun mo, sche las premissas legalas respectivas èn dadas.

Medemamain èn gieus per daners – tuttina da tge tip – permess en il sectur privat e na dovran er nagina permissiun.

 

Ulteriuras infurmaziuns

Per ulteriuras infurmaziuns davart ils differents gieus per daners e davart las premissas per conceder ina permissiun As vulain nus renviar a la detagliada pagina d'internet da l'Uffizi federal da giustia (DE). Qua chattais Vus FAQs e divers fegls d'infurmaziun fitg bain structurads.

 

Formulars

Ils formulars da dumonda ed il formular d'annunzia stattan a disposiziun qua per chargiar giu.