L'incumbensa principala dal Center da documents d'identitad èn la controlla e l'elavuraziun da dumondas da documents d'identitad per burgais svizzers. Latiers tutga er la registraziun da las datas biometricas, quai vul dir da fotografias e d'improntas dals dets.

Ultra da quai registrain nus er las datas biometricas per documents d'identitad da persunas estras e per documents da viadi da fugitivas e fugitivs renconuschids.

Plinavant essan nus responsabels per l'emissiun da permissiuns per il commerzi ambulant. (chasegliadras e chasegliaders, deposits ambulants e.u.v.)