Persunas cun domicil en il chantun Grischun pon dumandar lur novs documents d'identitad directamain sur il suandant link (dumonda DE) u s'annunziar per telefon tar il Center da registraziun a Cuira resp. a Zernez.

Per viadis a l'exteriur dovran ils uffants a partir da la naschientscha in agen document d'identitad.

Las vischnancas da domicil pon decider sezzas, sch'ellas vulan anc adina elavurar dumondas da carta d'identitad. En cas da basegn As infurmai tar Vossa vischnanca da domicil.

Perdita dals documents da legitimaziun

La perdita d'in document da legitimaziun (passaport u carta d'identitad) sto vegnir annunziada a la polizia chantunala (tenor l'art. 8 LDI). Sco perdita vala mintga mancanza d'in document da legitimaziun, saja quai tras engol, tras perdita u tras destrucziun.