Cuntegn da la pagina

Passaport provisori

Il passaport provisoric è valaivel durant maximalmain 12 mais, ha mo 16 paginas e sa distingua dal passaport ordinari er tras ses aspect exteriur.

Il passaport provisoric po vegnir dumandà directamain tar il center da registraziun a Cuira. A la fin dal viadi vegn el directamain confiscà a l'eroport u sto vegnir returnà al center da documents d'identitad.

Ordaifer las uras da biro ordinarias sco er durant las fins d'emna e durant ils firads po vegnir dumandà in passaport provisori tar ils posts per passaports d'urgenza als eroports da

  • Turitg–Kloten
  • Basilea-Mülhausen
  • Genevra
  • Agno

I sto vegnir preschentà in document d'identitad. In passaport provisori emess dal post per passaports d'urgenza custa 150.00 francs e sto vegnir returnà a quest post suenter il return.

En il center da documents d'identitad regiunal a Zernez na pon ni vegnir empustads ni vegnir emess passaports provisorics. Las petentas ed ils petents ston sa drizzar directamain al center da documents d'identitad a Cuira.

Il passaport provisoric na vegn betg renconuschì da tut ils pajais. Las persunas che vulan far in viadi èn sezzas reponsablas da sclerir, sch'il pajais da destinaziun accepta in passaport provisoric per l'entrada.

  

I na sa betg vegnir fatg in passaport provisori cun datas biometricas.