1. Il project sa drizza a migrantas ed a migrants che sa trategnan pli ditg e legalmain en il chantun e ha ina finamira clera.
2. Il project definescha la gruppa che vegn prendida en mira cun las mesiras da promoziun e declera, co che questa gruppa possia vegnir cuntanschida.
3. Ils custs dal project stattan en ina relaziun adequata cun il niz intenziunà.
4. Il project è persistent e tegna quint dal process d'integraziun individual a lunga vista.
5. In sustegn finanzial vegn dà a cundiziun d’ina finanziaziun adequata da terzas persunas.

 Criteris previs

1. Il project meglierescha e promova il contact da las migrantas e dals migrants cun las instituziuns statalas e privatas.
2. Il project s'orientescha als basegns dal mund da mintgadi da las migrantas e dals migrants. Dal mintgadi fa er part ina integraziun sociala e culturala.
3. Il project rinforza las atgnas cumpetenzas e las resursas individualas. El qualifitgescha la gruppa en mira da mobilisar sias atgnas forzas per l'integraziun e da decider en atgna responsabladad.
4. Il project tegna quint dal fatg che l'integraziun è in process vicendaivel ed integrescha – uschenavant sco pussaivel – l'entira populaziun.
5. Il project promova da preferenza il progress d'uffants e da giuvenils esters en scola ed en scolaziun u l'entrada u il return en la vita professiunala d'immigradas e d'immigrads.