Permiss / numers da curta durada

Sche Vus vulais metter en circulaziun in vehichel segir per intents privats mo intgins dis, è il permiss da curta durada la soluziun ideala.

Permiss / numers da curta durada vegnan emess per 24, 48, 72 u 96 uras.

Per mintga permiss da curta durada sto vegnir prestada ina segirezza tranter 60.– e 500.– francs. Questa segirezza vegn restituida, sch'il permiss / ils numers da curta durada vegnan returnads a temp.

Restricziuns pussaivlas per viadis a l'exteriur ston vegnir scleridas cun las autoritads estras cumpetentas.

Infurmaziuns impurtantas

• Permiss / numers da curta durada èn admess mo per viadis gratuits.
• En il vehichel dastgan vegnir transportadas maximalmain nov persunas.
• Rauba privlusa na dastga betg vegnir transportada.
• In permiss da curta durada vegn emess sin basa da l'original d'in document dal vehichel u sin basa d'ina copia bain legibla sin palpiri. Sin basa da fotografias da telefonins e da tablets na vegnan emess nagins permiss / numers da curta durada.
• Cura ch'ils numers n'èn betg pli valaivels, èn els da returnar persunalmain u da trametter per posta a l'Uffizi per il traffic sin via dal Grischun. Per numers restituids memia tard vegn incassada ina taxa posteriura.