Zum Seiteninhalt

Numers d'immatriculaziun

 

Sche Vus na possedais anc betg in numer d'immatriculaziun e sche Vus n'avais er betg deponì in tal tar l'uffizi per il traffic sin via cur che Vus mettais en circulaziun in vehichel, As attribuin nus in nov numer d'immatriculaziun.

Per pudair As servir il meglier pussaivel èsi d'avantatg, sche Vus ans inditgais – en cas da numers d'immatriculaziun alvs per vehichels a motor e per chars annexs – il format giavischà per il numer davos. Vus pudais tscherner tranter:

Resguardai per plaschair,
che nus ademplin gugent Voss giavischs areguard l'attribuziun d'in tschert numer d'immatriculaziun, sche Vus pajais la taxa supplementara respectiva. Da princip èn pussaivlas tut las cifras da 5 e da 6 posiziuns fin GR 999'998 (motos da GR 1'000 fin GR 99'999), sch'ellas èn libras (termin da furniziun per numers d'immatriculaziun betg anc fabritgads ca. 14 dis).

Betg consegnads na vegnan dentant:

  • numers d'immatriculaziun da 4 posiziuns u damain (motos da 3 posiziuns u damain)*;
  • numers d'immatriculaziun alvs per vehichels a motor cun unicamain las medemas cifras (p.ex. GR 99'999 u GR 999'999)*;
  • numers d'immatriculaziun alvs per vehichels a motor cun cifras ch'èn in factur da 100'000 (p.ex. GR 100'000 u GR 300'000)*;
  • numers d'immatriculaziun alvs per vehichels a motor cun cumbinaziuns da cifras che furneschan in maletg reflectà (p.ex. GR 100'001, GR 550'055 u GR 880'088)*; sco er
  • numers d'immatriculaziun alvs per vehichels a motor da las serias GR 90'000 – GR 94'999, GR 120'000 – GR 150'000 e GR 200'000 – GR 200'100.

* Quests numers d'immatriculaziun vegnan mo vendids tras ingiant.

Ulteriuras infurmaziuns en chaussa èn cuntegnidas en las cundiziuns generalas da fatschenta che sa chattan sin la vart davos dal formular da dumonda correspundent (quel po vegnir emplenì directamain al computer). Ina selecziun dals numers d'immatriculaziun libers da la seria currenta sa chattan sin ina glista ch'è exponida al spurtegl da noss uffizi sco er al spurtegl online.

La glista qua sutvart infurmescha davart las taxas supplementaras actualas. Midadas pon avair lieu da tut temp senza preavis sin basa da la dumonda. Ils numers d'immatriculaziun da la seria currenta èn avant maun mo en il format lung; per in numer en il format lad sto vegnir pajada ina taxa supplementara da 25.– francs.

Vehichels a motor   Motos  
       
numers numers
1 - 19999  aucziun 1 -1999  aucziun
20000 - 29999 200.00  2000 - 5999 100.00 
30000 - 59999 100.00  andere   50.00
autras fabricaziuns spezialas ordaifer las serias currentas* da numers da 5 u da 6 posiziuns (p.ex. GR 683'683) 500.00  fabricaziuns spezialas ordaifer las serias currentas* da numers da 4 u da 5 posiziuns 300.00 


* La noziun "seria currenta" cumpiglia numers d'immatriculaziun che vegnan surdads successivamain a chaschun d'immatriculaziuns sco er numers d'immatriculaziun ch'èn gia vegnids attribuids ina giada.