Zum Seiteninhalt

Perdita da numers d'immatriculaziun

Sche Vus avais pers ils numers d'immatriculaziun u sche quels èn vegnids engulads, stuais Vus communitgar quai immediatamain a nus – er per Vossa atgna protecziun. Duvrai per quest intent il formular "Annunzia da la perdita dals numers d'immatriculaziun".

Resguardai per plaschair il suandant:

Il numer d'immatriculaziun pers u engulà d'in pèr da numers

In numer d'immatriculaziun pers u engulà d'in pèr da numers sto vegnir producì da nov. Suenter che nus avain survegnì Vossa annunzia da perdita vegn il numer producì da nov. Il numer ch'è vegnì producì da nov As vegn tramess directamain u po sa chapescha er vegnir retratg tar nus al spurtegl.

Enguladitsch da numer(s) d'immatriculaziun, perdita dal numer d'immatriculaziun da la moto u dal char annex

I n'è betg pussaivel d'als producir da nov. I sto vegnir retratg in nov numer. Per la repartiziun dals numers novs duvrain nus al original document da vehichel cun in niev attest d'assicuranza electronic. Ils novs numers d'immatriculaziun As vegnan tramess per posta. Sa chapescha pudais Vus retrair ils numers d'immatriculaziun er tar nus al spurtegl.

In numer u in pèr da numers vegn publitgà en il sistem d'investigaziun da la polizia da la Svizra (RIPOL) durant 5 onns (perdita) resp. durant 10 onns (enguladitsch). Suenter la scadenza da quests termins laschain nus producir per Vus Voss numers vegls. Quai sin Voss giavisch e cunter ina taxa.