In vehichel na dastga betg vegnir mess en circulaziun sin vias publicas senza assicuranza da responsabladad. L'assicuranza cuvra la responsabladad da la possessura u dal possessur dal vehichel sco er da las persunas, per las qualas ella u el è responsabel tenor lescha – almain en quels stadis, nua ch'il numer d'immatriculaziun svizzer vala sco attest d'assicuranza.

In attest d'assicuranza electronic è obligatoric per tut ils vehichels a motor sco er per tut ils chars annexs che servan al transport da persunas e da rauba privlusa. L'attest d'assicuranza electronic è il mussament che Vus sajas assicurà en la dimensiun necessaria tar ina societad d'assicuranza cunter las ristgas da responsabladad.

Midada da datas

Sco possessura u possessur d'in permiss u document avais Vus – tenor lescha – l'obligaziun d'ans annunziar entaifer 14 dis eventualas midadas da las datas en il permiss u en il document.

Sch'igl ha dà tar Vus ina da las suandantas midadas, ans communitgai per plaschair quellas cun agiuntar ils documents menziunads:

Midada d'adressa

• document dal vehichel, mo sche la midada d'adressa ha lieu nel chantun Grischun.

Midada dal num

• document dal vehichel

• per mintga document dal vehichel stuais Vus pretender mintgamai in attest d'assicuranza electronic da Vossa assicuranza

• per tut ils permiss e documents duvrain nus ina fotocopia d'in document uffizial che cumprova la midada dal num (attest da lètg, sentenzia da divorzi, cudeschet da famiglia, passaport e.u.v.)

Midada da chantun

• document dal vehichel

• per mintga document dal vehichel stuais Vus pretender mintgamai in attest d'assicuranza electronic da Vossa assicuranza

• Sch'ils numers d'immatriculaziun d'in auter chantun vegnan midads al spurtegl, vegnan quels tramess enavos a l'uffizi cumpetent per il traffic sin via. Sch'ils numers d'immatriculaziun d'in auter chantun vegnan midads per posta, sto la possessura u il possessur trametter enavos quests numers a l'uffizi cumpetent per il traffic sin via.

• per tut ils permiss e documents ina fotocopia da la quittanza dals documents deponids u da l'attest da domicil da la nova vischnanca da domicil

Midada d'assicuranza

• document dal vehichel u nov attest d'assicuranza electronic

Sche Vus giais a star en in auter chantun, As drizzai per plaschair directamain a l'uffizi per il traffic sin via da Voss nov chantun da domicil.

Pers il permiss da manischar u il document dal vehichel

Avais Vus pers Voss document dal vehichel? Alura stuais Vus laschar emetter in duplicat correspundent. 

Il formular correspundent ed infurmaziuns necessarias anflais qua.