Vulais Vus cumprar Voss auto nov a l'exteriur u turnais Vus en Svizra suenter ina dimora pli lunga a l'exteriur? Qua chattais Vus infurmaziuns impurtantas per importar in vehichel da l'exteriur en Svizra e per declerar il vehichel a la duana. Vus survegnis er infurmaziuns per importar in vehichel betg declerà u in vehichel che posseda in'approvaziun dal tip svizra.
Nus As recumandain da laschar controllar avant l'import, sch'ils documents esters èn adattads per l'admissiun en Svizra. Consultai er importaders, represchentants da la marca u autras persunas spezialisadas.
Il vehichel po vegnir importà en Svizra, sch'el ha numers d'immatriculaziun esters valaivels. As infurmai tar il stadi d'export, tge numers d'immatriculaziun che Vus duvrais per importar Voss vehichel en Svizra (durada da valaivladad, assicuranza, custs e.u.v.).
Sco emprim stuais Vus annunziar il vehichel tar l'Uffizi da duana. Per l'ulteriur proceder èsi decisiv, co ch'il vehichel vegn declerà a la duana. En cas da dumondas contactai per plaschair l'Uffizi da duana.
Per importar Voss vehichel As recumandain nus d'As procurar in certificat da confurmitad da la CE resp. in Certificate of Conformity (COC). Vus survegnis in certificat da confurmitad da la CE resp. in uschenumnà Certificate of Conformity (COC) dal vendider u dal constructur da Voss vehichel ubain en l'internet sut Eurococ.
Per l'admissiun en Svizra ston ils vehichels che vegnan importads directamain, vegnir suttamess ad ina controlla. Cura che Vus avais a disposiziun tut ils documents, pudais Vus annunziar Voss vehichel cun il suandant formular online per la controlla.
Per vehichels che vegnan importads directamain per l'agen diever dovri en mintga cas ina controlla individuala tar il post d'admissiun chantunal cumpetent. La lavur ed ils custs sa drizzan tenor ils documents che ans vegnan mess a disposiziun resp. tenor la varianta da l'import.
Autras variantas d'import (p.ex. import da l'America dal Nord u d'in auter pajais)
Variantas d'import
Bain da translocaziun (dota/bain ereditar)
Infurmaziuns da la duana davart las differentas variantas d'import ed ils formulars da dumonda chattais Vus tar l'Administraziun federala da duana.
Documents ch'i dovra per l'admissiun:
- Attest d'assicuranza d'ina societad d'assicuranza svizra
- Scrittiras estras dal vehichel (p.ex. Germania: attest d'admissiun part 1 e part 2)
- Rapport da controlla da l'Uffizi da duana, formular 13.20 A cun bul da la duana
- Formular da duana correspundent (18.44, 18.45 u 18.46)
- Sche avant maun, il certificat da confurmitad da la CE (COC) u la conferma da canera e da svapur da l'importader general svizzer
- Per vehichels modifitgads vegnan duvradas supplementarmain la decleraziun, ch'i na dettia naginas ristgas e las garanzias correspundentas, ch'èn prescrittas tenor il dretg svizzer
- Sche necessari, il document da cumprova dal UVIAS concernent l'observaziun da las prescripziuns davart emissiuns da CO2 per l'autoritad chantunala d'admissiun (guardar sutvart)
- Sche necessari, la cumprova separada da la cumpatibilitad electromagnetica (CEM) e da la segirezza electrica (NEV) (guardar sutvart)
- Sche necessari, il document davart la regulaziun da la svapur (guardar sutvart)
Cura che Vus avais a disposiziun tut ils documents, pudais Vus annunziar Voss vehichel per la controlla dal vehichel.
Vus pudais scannar ils documents e far l'annunzia online u trametter las copias per posta.
Cumprà in vehichel a l'exteriur
Sche Vus avais cumprà il vehichel a l'exteriur e n'avais betg gì domicil per dapli ch'in onn a l'exteriur: Vus stuais immatricular Voss vehichel entaifer 3 mais dapi la data da l'import en Svizra.
Documents ch'i dovra per l'admissiun:
- Attest d'assicuranza d'ina societad d'assicuranza svizra
- Scrittiras estras dal vehichel (p.ex. Germania: attest d'admissiun part 1 e part 2)
- Rapport da controlla da l'Uffizi da duana, formular 13.20 A cun bul da la duana
- Sche avant maun, il certificat da confurmitad da la CE (COC) u la conferma da canera e da svapur da l'importader general svizzer
- Per vehichels modifitgads vegnan duvradas supplementarmain la decleraziun, ch'i na dettia naginas ristgas e las garanzias correspundentas, ch'èn prescrittas tenor il dretg svizzer
- Sche necessari, il document da cumprova dal UVIAS concernent l'observaziun da las prescripziuns davart emissiuns da CO2 per l'autoritad chantunala d'admissiun (guardar sutvart)
- Sche necessari, la cumprova separada da la cumpatibilitad electromagnetica (CEM) e da la segirezza electrica (NEV) (guardar sutvart)
- Sche necessari, il document davart la regulaziun da la svapur (guardar sutvart)
Cura che Vus avais a disposiziun tut ils documents, pudais Vus annunziar Voss vehichel per la controlla dal vehichel.
Vus pudais scannar ils documents e far l'annunzia online u trametter las copias per posta.
Importà in vehichel betg declerà
Sche Vus avais importà Voss vehichel senza al declerar a la duana, stuais Vus immatricular il vehichel 1 onn suenter Vossa entrada persunala en Svizra.
Duvrar temporarmain in vehichel betg declerà
Documents ch'i dovra per l'admissiun:
- Attest d'assicuranza limità (max. 1 onn) d'ina societad d'assicuranza svizra
- Scrittiras estras dal vehichel (p.ex. Germania: attest d'admissiun part 1 e part 2)
- Permissiun da l'Uffizi da duana da duvrar in vehichel betg declerà (formular 15.30 u 15.40)
- Sche avant maun, il certificat da confurmitad da la CE (COC) u la conferma da canera e da svapur da l'importader general svizzer
- Per vehichels modifitgads vegnan duvradas supplementarmain la decleraziun, ch'i na dettia naginas ristgas e las garanzias correspundentas, ch'èn prescrittas tenor il dretg svizzer
- Sche necessari, il document da cumprova dal UVIAS concernent l'observaziun da las prescripziuns davart emissiuns da CO2 per l'autoritad chantunala d'admissiun (guardar sutvart)
- Sche necessari, la cumprova separada da la cumpatibilitad electromagnetica (CEM) e da la segirezza electrica (NEV) (guardar sutvart)
- Sche necessari, il document davart la regulaziun da la svapur (guardar sutvart)
Suenter survegnis Vus numers d'immatriculaziun da duana per maximalmain 1 onn.
Suenter la decleraziun a la duana duvrais Vus:
- Attest d'assicuranza illimità d'ina societad d'assicuranza svizra
- Document dal vehichel limità e numers d'immatriculaziun da duana dal Grischun
- Rapport da controlla da l'Uffizi da duana (13.20A)
Cura che Vus avais a disposiziun tut ils documents, pudais Vus annunziar Voss vehichel per la controlla dal vehichel.
Vus pudais scannar ils documents e far l'annunzia online u trametter las copias per posta.
Import cun approvaziun dal tip svizra
Dumandai Voss importader general svizzer, sch'il vehichel ha in'approvaziun dal tip svizra.
Exempel d'ina conferma da l'approvaziun dal tip svizra
Importaders generals (auto-svizra)
Documents ch'i dovra per l'admissiun:
- Attest d'assicuranza d'ina societad d'assicuranza svizra
- Scrittiras estras dal vehichel (p.ex. Germania: attest d'admissiun part 1 e part 2)
- Rapport da controlla da l'Uffizi da duana, formular 13.20 A cun bul da la duana
- Conferma dal titular da l'approvaziun dal tip
- Per vehichels modifitgads vegnan duvradas supplementarmain la decleraziun, ch'i na dettia naginas ristgas e las garanzias correspundentas, ch'èn prescrittas tenor il dretg svizzer
- Sche necessari, il document da cumprova dal UVIAS concernent l'observaziun da las prescripziuns davart emissiuns da CO2 per l'autoritad chantunala d'admissiun (guardar sutvart)
- Sche necessari, la cumprova separada da la cumpatibilitad electromagnetica (CEM) e da la segirezza electrica (NEV) (guardar sutvart)
- Sche necessari, il document davart la regulaziun da la svapur (guardar sutvart)
Cura che Vus avais a disposiziun tut ils documents, pudais Vus annunziar Voss vehichel per la controlla dal vehichel.
Vus pudais scannar ils documents e far l'annunzia online u trametter las copias per posta.
Autras variantas d'import (da l'America dal Nord, vehichels senza approvaziun generala)
Documents ch'i dovra per l'admissiun:
Quai duvrais Vus:
- Attest d'assicuranza d'ina societad d'assicuranza svizra
- Scrittiras estras dal vehichel (document dal vehichel, cudeschet dal vehichel, certificat d'admissiun u documents sumegliants)
- Rapport da controlla da l'Uffizi da duana, formular 13.20 A cun bul da la duana
- Cumprova da l'emprima immatriculaziun (per vehichels gia duvrads, betg la data da construcziun u da vendita)
- Datas tecnicas (tenor il manual da funcziun, il constructur, documents dal vehichel, e.u.v.)
- Cumprova davart l'observaziun da las prescripziuns svizras da svapur e da canera
- Sche necessari, il document da cumprova dal UVIAS concernent l'observaziun da las prescripziuns davart emissiuns da CO2 per l'autoritad chantunala d'admissiun (guardar sutvart)
- Sche necessari, la cumprova separada da la cumpatibilitad electromagnetica (CEM) e da la segirezza electrica (NEV) (guardar sutvart)
Cura che Vus avais a disposiziun tut ils documents, pudais Vus annunziar Voss vehichel per la controlla dal vehichel.
Vus pudais scannar ils documents e far l'annunzia online u trametter las copias per posta.
Cumprova davart l'observaziun da las prescripziuns svizras da svapur e da canera
Cumprova davart l'observaziun da las prescripziuns svizras da svapur e da canera ch'eran valaivlas tar l'emprima immatriculaziun, en furma da
- approvaziuns parzialas da la UE
- segn d'approvaziun da la ECE en il vehichel
- cumprova dal titular da l'approvaziun dal tip u
- rapports da controlla d'in post da controlla renconuschì, guardar l'agiunta 2 da l'Ordinaziun davart l'approvaziun tenor tip dals vehichels stradals (OATV).
Posts da controlla renconuschids
Per autos da persunas
- Stadis Unids da l'America: Las prescripziuns da svapur dals Stadis Unids da l'America u da la California per «passenger cars» vegnan acceptadas en Svizra per autos da persunas dals models dapi l'onn 1995 cun motors da benzin, cun in pais total da max. 2500 kilograms e cun maximalmain sis plazs da seser. En quests cas poi vegnir desistì d'ina ulteriura controlla da las svapurs.
- Canada: Las prescripziuns da svapur dal Canada per «passenger cars» vegnan acceptadas en Svizra per autos da persunas dals models dapi l'onn 1998 cun motors da benzin, cun in pais total da max. 2500 kilograms e cun maximalmain sis plazs da seser. En quests cas poi vegnir desistì d'ina ulteriura controlla da svapurs.
En il cumpartiment dal motor da tals vehichels è tatgada ina vignetta (etichetta da svapur). La vignetta cun il titel «VEHICLE EMISSION CONTROL INFORMATION» cuntegna tranter auter il num dal constructur dal vehichel, la cilindrada, la designaziun dal motor, differentas datas da configuraziun dal motor e l'onn dal model sco er la conferma, ch'il vehichel ademplescha las prescripziuns da svapur correspundentas.
Cumprova da l'emprima immatriculaziun
Per vehichels gia duvrads sto vegnir inditgada la data da l'emprima immatriculaziun (betg la data da construcziun u da vendita).
Per autos da persunas
Per vehichels dals Stadis Unids da l'America vegnan reconuschids ils suandants documents uffizials:
«registration card» u «vehicle registration information record» dal Department of Motor Vehicles (DMV) u eventualmain quittanzas da pajaments da taglias sin ils vehichels a motor dals Stadis Unids.
Datas tecnicas
Per l'admissiun senza COC / certificat da confurmitad da la CE duvrain nus per l'admissiun dal vehichel intginas datas tecnicas (tenor il manual da funcziun, il constructur, documents dal vehichel, e.u.v.).
Nus duvrain infurmaziuns davart:
- la cilindrada
- la prestaziun dal motor
- la sveltezza da prestaziun nominala
- la sveltezza maximala
- la garanzia dal pais
- il numer dal motor
Per autos da persunas
Per simplifitgar la lavur, duvrain nus ina fotografia da la plachetta dal constructur.
Segirezza electrica e cumpatibilitad electromagnetica
Per tut ils vehichels importads (a partir da l'emprima immatriculaziun u dapi il 1. da zercladur 2020) dovri ina cumprova da la segirezza electrica e da la cumpatibilitad electromagnetica.
En ils suandants cas (la glista n'è betg definitiva) èn la segirezza electrica e la cumpatibilitad electromagnetica gia vegnidas cumprovadas. I na vegnan duvrads nagins ulteriurs documents resp. naginas ulteriuras cumprovas:
- Il vehichel ha in'approvaziun generala da la CE respectivamain in certificat da confurmitad da la CE (COC)
- Il vehichel è gia vegnì admess regularmain en in auter stadi da la UE (conferma en furma da documents d'admissiun d'in stadi da la UE)
- Per il vehichel è avant maun in'approvaziun dal tip svizra ed il titular da questa approvaziun conferma, che l'equipament u la segirezza electrica correspunda al tip dal vehichel approvà en Svizra
- Per il vehichel è avant maun ina decleraziun da confurmitad emessa dal constructur tenor l'artitgel 14 da l'Ordinaziun davart l'approvaziun tenor tip dals vehichels stradals
Attenziun speziala èsi da far tar vehichels senza in'approvaziun generala da la UE, che n'èn anc mai vegnids admess en in stadi da la UE. Per exempel èn quai vehichels importads dals Stadis Unids da l'America, dal Canada, dals Emirats Arabs Unids, da l'Ucraina, da la China e.u.v. Ulteriuras infurmaziuns chattais Vus en il document «NEV e CEM: Explicaziuns davart la cumprova da la segirezza electrica e da la cumpatibilitad electromagnetica».
NEV e CEM: Explicaziuns davart la cumprova da la segirezza electrica e da la cumpatibilitad electromagnetica
Rendaquint da CO2 da l'Uffizi federal da vias (UVIAS)
Tscherts vehichels ston vegnir annunziads a l'Uffizi federal da vias (UVIAS) per il rendaquint da CO2.
Vehichels senza obligaziun da far giu quint:
- Autos da persunas, autos da furniziun e camiuns a sella levs ch'eran gia immatriculads a l'exteriur 6 mais avant ch'els èn vegnids declerads a la duana, sche lur tachometer mussa dapli che 5000 km
- Autos-rulotta levs
- Motos
- Chars annexs, vehichels spezials (p.ex. ambulanzas e.u.v.)
Quests vehichels na ston betg vegnir registrads sin la pagina d'internet dal UVIAS.
Vehichels cun obligaziun da far giu quint:
- Autos da persunas, autos da furniziun e camiuns a sella levs resch novs u ch'èn vegnids immatriculads a l'exteriur pli pauc che 6 mais avant ch'els èn vegnids declerads a la duana
- Autos da persunas, autos da furniziun e camiuns a sella levs ch'eran gia immatriculads a l'exteriur 6 mais avant ch'els èn vegnids declerads a la duana, sche lur tachometer mussa main che 5000 km
Quests vehichels ston vegnir registrads sin la pagina d'internet dal UVIAS.
Program dal UVIAS per calcular la taxa da CO2
Accuplament per chars annexs
Sche Voss vehichel ha in accumplament per chars annexs original dal constructur dal vehichel u montà posteriuramain da la garascha, stuais Vus annunziar quai a l'autoritad d'admissiun. Questa infurmaziun vegn inditgada en il document dal vehichel.
Regulaziun da la svapur
Sche Voss auto è vegnì immatriculà tranter il 1. da schaner 1976 e ca. l'onn 2006, sto in manaschi spezialisà far regularmain ina regulaziun da la svapur.
Sche Voss vehichel ha in uschenumnà On-Board-Diagnose-System (OBD), è el eventualmain exceptà da questa regulaziun. Vus pudais verifitgar quai en il fegl d'infurmaziun «Regulaziun da la svapur /OBD» u dumandar Voss garaschist.
As infurmai avant la controlla d'admissiun, sche Voss vehichel è deliberà da l'obligaziun da laschar regular la svapur.