La politica d'uffants e da giuvenils è in champ politic ed in champ d'incumbensas che dispona da basas giuridicas e ch'è caracterisà tras cumpetenzas multifaras sco er tras la repartiziun da las incumbensas tranter la Confederaziun, il chantun e las vischnancas. Il focus è drizzà sin ils secturs tematics «promoziun», «protecziun» e «participaziun». Quests trais secturs influenzeschan in l'auter. La finamira surordinada da la politica d'uffants e da giuvenils è quella da concepir las cundiziuns da viver dals uffants e giuvenils uschia, ch'els pon sviluppar optimalmain lur persunalitad.

Program "politicad'uffants e da giuvenils en il chantun Grischun"

Il chantun Grischun ha elavurà il program "politica d'uffants e da giuvenils en il chantun Grischun" tenor l'art. 26 LPUG. La finamira dal program è quella da sviluppar vinavant la politica chantunala d'uffants e da giuvenils sin ils champs d'acziun promoziun, protecziun e participaziun. La realisaziun dallas mesiras sa basa sin in proceder interdepartamental.

Politica federala d'uffants e da giuvenils

Sin la plattafurma per politica d'uffants e da giuvenils Svizra chattais Vus infurmaziuns davart la politica d'uffants e da giuvenils federala, chantunala e communala.