Zum Seiteninhalt

Persunas cun impediments – politica

Tras la nova concepziun da la gulivaziun da finanzas e da la repartiziun da las incumbensas tranter la confederaziun ed ils chantuns (NGF) èn ils chantuns responsabels dapi il 1. da schaner 2008 per la planisaziun, per la regulaziun e per la finanziaziun da la purschida staziunara e parzialmain staziunara per persunas creschidas cun impediments.

Per ademplir las novas incumbensas ha l'uffizi dal servetsch social realisà differents projects: La lescha davart l'integraziun sociala e professiunala da persunas cun impediments è vegnida elavurada sin basa dal concept LIPInv dal Grischun. Ella è entrada en vigur il 1. da schaner 2012. La planisaziun da la purschida fixescha la direcziun strategica e l'ulteriur svilup da las purschidas per persunas cun impediments en la perioda da planisaziun respectiva.