Navigaziun principala

Cuntegn da la pagina

Planisaziun da la purschida 2020–2023

En sia sesida dals 19 da matg 2020 ha la regenza prendì enconuschientscha da la "Planisaziun da la purschida – purschida staziunara, parzialmain staziunara ed ambulanta per persunas creschidas cun impediments en il chantun Grischun – perioda da planisaziun 2020–2023" dals 30 da schaner 2020 ed acceptà ils puncts centrals strategics ch'èn vegnids fixads en il rapport da planisaziun.

Ils chantuns èn obligads tenor constituziun e tenor lescha da metter a disposiziun a persunas cun impediments ina purschida d'assistenza adequata. Per ch'i dettia avunda purschidas per persunas cun impediments, dentant er per ch'ils meds finanzials ch'il maun public metta a disposiziun vegnian a medem temp impundids en moda effizienta, sto vegnir fatga ina planisaziun da la purschida. Quella furma la basa per fixar la direcziun strategica da las purschidas da l'integraziun da persunas cun impediments en il chantun, per renconuscher las furnituras ed ils furniturs da prestaziuns che han il dretg da survegnir contribuziuns e per conceder las contribuziuns.