Futur inclusiun – dis d'acziun per ils dretgs da persunas cun impediments
Dals 24 da matg fin ils 7 da zercladur 2027 han lieu per la segunda giada ils Dis d'acziun per ils dretgs da las persunas cun impediments en l'entira Svizra. Il motto è «Futur inclusiun – Communablamain a la lavur».
Ils Dis d'acziun porschan l'occasiun da render visiblas la participaziun e l'egualitad da las schanzas per persunas cun impediments en la vita professiunala e da promover il dialog sco er la collavuraziun da differentas acturas ed acturs. La finamira è ina midada positiva persistenta per dapli inclusiun en il sectur da la vita «lavur».
La festa d'avertura chantunala ha lieu ils 24 da matg 2027 a Cuira. Ils Dis d'acziun vegnan organisads d'ina gruppa da project chantunala inclusiva sut la direcziun dal Post da coordinaziun per ils dretgs da persunas cun impediments e per l'egualitad da persunas cun impediments.
Acziuns en il chantun Grischun vegnan messas cuntinuadamain en la rait sin «Futur Inclusiun – Chantun Grischun».